• Xiaomi Mijia M365 PRO 2 Електричен Тротинет

     

    Бренд: Xiaomi
    Модел: PRO 2
    Боја: Црна
    Моќ: 300W (max 600W), до 25 км/ч
    Напредни Функции: E-ABS + диск кочници , 3 начини на работа, Smart App, Kinetic Energy Recovery System
    Батерија:
    автономија до 45 км
    Гаранција: 2 години

    Едноставен за возење и со извонредни перформанси, лесно се пренесува и е погоден за сите видови возење – како рекреативно така и секојдневно возење низ градот.

    Се карактеризира со високо квалитетна изработка и двоен начин на кочење E-ABS + диск кочници. Моторот располага со јачина до максимални 600W (300W/600W) и литиумска батерија од новата петта генерација BMS (smart battery managеment system). Тротинетот ќе ви овозможи удобно возење и автономија до дури 45 километри а исто така може да се искачи на нагорнина од 20%. Со помош на трите начини на возење, многу лесно се прилагодува возењето на секоја потреба. На пример, ако се наоѓате во гужва, едноставно сменете го начинот на "пешачење" (0-5км/ч), додека пак при стандардно возење тротинетот ќе постигне брзина до 20 км/ч. Доколку сте надвор од гужва, променете го начинот на "Sport" – начин кога тротинетот ќе постигне брзина до 25км/ч.

    Повеќенаменската контролна табла овозможува приказ на сите потребни податоци и тоа во реално време, така што на дофат на рака се имаат сите податоци во врска со моменталната брзина, начинот на работа, сигурноста на тротинетот( при заклучување) како и многу други корисни информации во врска со возењето.

    Тротинетот се управува со помош на само едно копче: вклучување и исклучување, менување на начинот на возење, вклучување  и исклучување предно светло. Рачките на тротинетот се направени од TPR материјал за уште поудобно возење.

    Со Kinetic Energy Recovery System (KERS) претворете ја кинетичката енергија во електрична за подолг век на траење на батеријата. Составот за поврат на кинетичката енергија (KERS) е во потполност унапреден, а процесот на претворање на енергијата е дополнително подобрен во однос на оној од претходната генерација. Искористувањето на енергијата исто така може да се прилагоди и по пат на апликацијата Mi Home.

    Гумите се 8,5 инчни и може да се пофалат со одлична апсорпција на ударите и способност за искачување преку препреки. Доста добро и ефикасно реагираат на нерамни површини.

    Посебно дизајнираната апликација Smart App ви овозможува да го пратите вашето возење и да ги анализирате статистичките и технички податоци како што се преостаната батерија, нејзина исправност и слично. Автоматски ќе добиете известување доколку е забележана некаква неисправност.

    Xiaomi Mijia PRO2 поседува IP54 сертификат за заштита од прашина и дожд (но не е наменет за возење по вода).

  • Xiaomi Mi Scooter Essential Lite - Електричен Тротинет Црн

     

    Бренд: Xiaomi
    Модел: Essential
    Боја: Црна
    Моќ: 250W (max 500W), до 20 км/ч
    Напредни Функции: E-ABS + диск кочници, 3 начини на возење, Smart App, Kinetic Energy Recovery System
    Батерија: автономија до 20 километри
    Димензии И Тежина: 108 x 43 x 114 cm/ 108 x 43 x 49 cm (преклопен), 12кг
    Гаранција: 2 години
     

    Повторно пристигна уште еден наследник на незаборавната серија Xiaomi M365 електрични тротинети - Essential. Едноставен и лесен за пренос од едно на друго место, меѓу другото одличен за градско возење на пократка релација и избегнување на гужвата во прометните места.

    Изработен е од висококвалитетни материјали и опремен со двоен начин на кочење E-ABS + диск кочници. Моторот достигнува максимална моќ до 500W (250W/500W). Се карактеризира со литиум батерија од новата генерација со чија помош Essential ќе ви овозможи удобно градско возење и автономија до 20 километри а и совладување на нагорнини до 10%.

    Поддржува 3 начини на возење, така што можете возењето да си го прилагодите на вашите потреби. Доколку се наоѓате во поголема гужва или сте опкружени со луѓе едноставно подесете го начинот на возење на "Пешачење" (0-5км/ч). Доколку брзината ја подесите на стандарден начин на возење, тротинетот ќе развие брзина до 15км/ч. На начин "Sport" тротинетот постигнува брзина до 20 км/ч.

    Xiaomi Mi Essential може да се пофали и со повеќенаменска контролна табла на која се прикажани важни и корисни информации и тоа во реално време. Со само едно притискање на копчето сместено на контролната табла може да управувате со тротинетот и тоа: да го вклучувате или исклучувате, да го промените начинот на возење или да ги вклучите и исклучите предните светла.

    Дизајнерите на тротинетот користеле TPR материјал за изработка на рачките.

    Со Kinetic Energy Recovery System (KERS) кинетичката енергија ја претвора во електрична за што поголем век на траење на батеријата. Во однос на претходната генерација, составот за поврат на кинетичката енергија е целосно унапреден. При секое кочење или возење без додавање гас кинетичката енегија се претвора во електрична.

    Со цел тротинетот подобро да ги поминува препреките и да ги ублажува ударите, опремен е со 8,5 инчни гуми.

    Апликацијата Smart App ќе ви овозможи да го пратите возењето и да ги анализирате статистичките и технички податоци. На пример, преостаната батерија, состојба на истата и слично. Ќе добиете автоматско известување ако биде забележана некаква неправилност.

    Xiaomi Mijia Essential поседува IP54 сертификат за заштита од прашина и дожд (но, тротинетот не е наменет за возење по вода).

    За да го стартувате тротинетот потребно е лесно да одтурнете со ногата и моторот ќе почне да работи.

  • Xiaomi Mijia 1S - Електричен Тротинет

     

    Бренд: Xiaomi
    Модел: 1S
    Боја: Црна
    Моќ: 250W, до 25км/ч
    Напредни Функции: Smart App, Kinetic Energy Recovery System, Е-ABS
    Батерија: автономија до 30 км
    Гаранција: 2 години

    Едноставен и лесен за возење, лесно се пренесува и е практичен за избегнување гужви во прометните места и градови. 

    Поддржува три начини на возење, така што возењето можете да си го приспособите на личните потреби. На пример, доколку се наоѓате во гужва, едноставно променете го начинот на возење на "пешачење" (0-5км/ч), додека пак при стандарден начин тротинетот ќе достигнува брзина до 20 км/ч. Ако пак се наоѓате надвор од гужва, префрлете се на начин "Sport" така што тротинетот ќе постигне брзина до 25км/ч. Повеќенаменскиот екран ќе ви овозможи приказ на сите податоци во реално време, така што во секое време ќе ви бидат достапни информации како брзина, начин на возење, сигурност на тротинетот( заклучување) како и многу други корисни и потребни информации.

    Во однос на екранот за разлика од првиот M365, овој модел може да се пофали со екран LCD многу посветол и позициониран на рачките и наследник на оној од Mi Electric Scooter Pro. Екранот прикажува важни информации за возењето како и вклучување на светлата.

    Xiaomi 1S опремен е со еден преден LED фар во бела боја и еден заден LED фар во црвена боја. Моделот има и одлично ѕвонче кое служи за блокирање на рачките кога тротинетот е преклопен. Одлично изработена е диск кочницата а и класичната потпора која служи тротинетот да стои во исправена положба.

    Xiaomi овој пат додал и нови странични рефлектори напред и назад со цел да се подобри уште повеќе видливоста на тротинетот навечер. На задниот дел тротинетот има црвено LED светло поголемо и повидливо за разлика од претходните модели. Светлото е поставено на пластичниот дел кој воедно е наменет за евентуална регистарска табличка ( веќе воведена во некои европски земји).  

    На предната страна од тротинетот се наоѓа LED фар кој свети одлично и го осветлува пределот кој се наоѓа пред самиот тротинет. Ова е можеби еден од новитетите кој најмногу се цени кај овој модел.

    Кога станува збор за новитети, вреди да се напомене дека овој пат Xiaomi создаде поцврст преден бандаж. Сега има поголема цврстина, бидејќи е блокиран со две метални цевки. Со самото тоа нема простор за движење на бандажот.

    Со помош на копчето вклучувајте и исклучувајте го тротинетот, менувајте го начинот на возење и контролирајте ги предното и задното светло. Рачките се направени од TPR материјал со цел да се обезбеди поудобно возење и попријатно искуство. Благодарение на Kinetic Energy Recovery System (KERS) претворете ја кинетичката во електрична енергија за подолг век на траење на батеријата. Составот за поврат на кинетичката енергија (KERS) е комплетно унапреден, а ефикасноста на претворање на енергијата е значително подобрена во однос на претходникот. Ефикасноста на искористување на енергијата може исто така да се прилагодува по пат на апликацијата Mi Home.

    Тротинетот е опремен со гуми од 8,5’’ кои имаат одлична апсорпција на удари, способност за преминување препреки и се приспособуваат на нанерамните површини. Моторот се карактеризира со моќ до 500W (250W/500W) и литиумска батерија 18650. 1S овозможува удобно возење и автономија до дури 30 километри, а исто така без проблем ќе искачи нагорнини до 14%.

    Бесплатната апликација овозможува пратење на возењето и анализа на податоците. На дофат може да ги имате и техничките податоци како на пример преостаната батерија и нејзина исправност. Ќе добиете известување доколку биде забележана некаква неправилност.

    Веднаш се забележува дека новиот Xiaomi 1S е изработен од поквалитетни материјали во споредба со претходните тротинети. Метална подлога, делови од тротинетот изработени од алуминиум како и пластични елементи. Сето ова укажува на фактот дека тротинетот се наоѓа на едно повисоко ниво што се однесува до изработката. Може да се дефинира како Premium" изглед. На прв поглед ќе ви изгледа неверојатно тоа што едно превозно средство наменето за штедење на вашето скапоцено време може да ги поседува сите овие карактеристики, но верувајте нема да ве изневери.

    Xiaomi Mijia 1S поседува IP54 сертификат за отпорност на вода и прашина (но тротинетот не е наменет за возење по вода). За да се стартува тротинетот потребно е малку да оттурнете со нога и тогаш моторот ќе почне да работи.